رغم إخفاء صورته في برنامج لاباس : تونس نيوز تكشف شخصية ضيف برنامج لاباس الملثم

رغم إخفاء صورته في برنامج لاباس : تونس نيوز تكشف شخصية ضيف برنامج لاباس
رغم اخفاء صورته ،ظهر اليوم شخص في برنامج لاباس للمنشط اللامع نوفل الورتاني و سرد أحداث عديدة حول الجهاد في سوريا و أكيد تابع العديد من التونسيين الحلقة المسخرة

و كما تعودتم في تونس نيوز ،فقد استطعنا ان نكشف بطريقتنا الخاصة عن شخصية هذا الضيف ،سوف لن نعلن عن اسمه حتى لا نعرض حياته للخطر لكن تمكنا من معرفة مهنته و هي ‘ بوليس سياسي على سنة الله و رسوله’
يذكر ان هذا المجاهد كان يحارب في سوريا و له العديد من الاصابات البالغة من الحرب ،و عندما سئله الورتاني عن الجروح التي يعاني منها ؟! اجاب ان ظفر صبع ساقو الصغير تقلع،،،،يا لطيف يا لطيف

الحاصل هذا بلاغ مباشر لوزارة الداخلية مني أنا كمواطن فاش مازلتو تستنو

شخص لا يزي لابس كاغول و زيد مغطينالو عينيه

حاجة من إثنين
الاحتمال الأول إنو الشخص هذا يكذب و جايبينو في إطار مسرحية و هاذي موش أول مرة تصير في التونسية لكلنا نتذكرو التحقيق المفبرك متاع سفيان الشورابي إلي عدوه و إلي تحال على أساسو المعني للقضاء خاصة إنو المرة هاذي السيد لابس كاغول و عينيه مغطية و الحلقة مسجلة يعني حاسس روحو محمي و تحسو جاي فقط باش يوكد أكبر عدد من الكليشيات الممكنة و الغير ممكنة كاينهم مخلصينو بالذمة أصلا مرات كي ما يسمعش السوال يجاوب ” إي إي موجود كل شي موجود ” و كلامو لكلو تناقض يغرق في روحو و يستعرف بقتل العشرات من جهة و بعد يقول قلقوه اخرين كي قتلو كيفو من جهة أخرى يحكي على الدين من جهة و بعد يقول يحل سكايب يحكي مع صاحبتو من جهة أخرى , و في هذه الحالة اش مازال يعمل في التلفزة ولا حتى في الشارع ؟؟؟ بلاصتو هو و إلي أخرجو المسرحية و دفعو الفلوس و عدو في التلفزة السجن و مكاتب التحقيق و المحاكم و اليوم قبل غدوة الكلام

الاحتمال الثاني إنو الشخص هذا يقول في كلام صحيح و بالفعل هو قتل 15 شخص و مشى لسوريا و شارك في الحرب الأهلية و أكثر من هذا مادام يعرف شكون يمول و شكون يسلح في الحرب و يذكر في بلدان بالاسم يعني أكيد موش مجرد إرهابي متاع عندكشي عندي ولا يتبع تتبيع لانو هالمعلومات ما تبدا موجودة كان عند القيادات و المسوولين و المكلفين بجلب الجهاديين خاصة إنو يذكر في تفاصيل و حوادث و يقول إنو كان مع بنات و هاك الحكايات ، و في هذه الحالة اش يعمل مسيب في الطبيعة يحوس و يحضر في التلفزة كاينو ما فما شي ؟ بلاصتو في الحبس و أمام قاضي التحقيق و المحاكم و الليلة لازم فرقة مقاومة الارهاب تهبط على نوفل الورتاني و تهزو للتحقيق حتى لين يعترف شكونو السيد و كيفاش إتصل بيه و فين موجود في الوقت الحاضر بما انو البرنامج مسجل

 

Close
Please support the site
By clicking any of these buttons you help our site to get better